Zanter August 2023 ass de fixe Radar am Agang vu Bäreldeng aktiv.

Knapp 30.000 Mol huet et 49€ kascht a ronn 1.000 Mol 145€ a gegebenenfalls 2 Punkten, heescht et an der Äntwert vun de Ministere Backes a Gloden op eng parlamentaresch Fro vun der CSV.

Déi héchst Vitess, déi zu Bäreldeng gemooss gouf, louch bei 129 km/h. Erlaabt si 50 km/h.

Ausser dem Rout-Luucht-Radar an der Polvermillen, dee scho virun zwee Joer decidéiert gouf, wier aktuell keen zousätzleche Radar bannent enger Uertschaft geplangt.