Eigentlech war jo geplangt, dass vun 2035 u Verbrenner-Autoe verbuede ginn. Den EVP-Chef Manfred Weber hat d’lescht Woch matgedeelt, dass d’EU-Kommissioun wäert de Verbrennerverbuet ofschafen. Et wier eng “schwéier industriepolitesch Feeldecisioun vun der lénker Majoritéit am Europäesche Parlament gewiescht”.
Bei den neien Immatrikulatioun an der EU sinn et dëst Joer tëscht Januar an Oktober 16,4% Elektroautoen, 27,4% Bensinner, 9,2% Dieselen an 43,7% Hybridgefierer gewiescht. 3,3% waren alternativ Undriffskonzepter.
De Sujet Verbrennerverbuet ass iwwerdeems och e Mëttwoch de Moien Thema an der Emissioun “Dir hutt d’Wuert”. Als Invitéen am Studio hu mer déi fréier gréng Ëmweltministesch Joëlle Welfring an de Gerry Wagner vum House of Automobile.
Dernieft soll e Logementsplang presentéiert ginn, géint Wunnengsnout an den EU-Länner, wou bal 1,3 Millioune Leit keen Dach iwwert dem Kapp hunn a wou an de leschte 15 Joer d’Wunnengspräisser ëm 60 an d’Loyeren ëm 30% geklomme sinn. De Plang soll de Bau stäerken. An d’Locatioune méi streng regléieren.
