Affär Bommeleeër: Prozessoptakt um Méindeg, 25. Februar 2013
De Prozess an der Affär "Bommeleeër" soll de 25. Februar 2013 ufänken. Geschätzten Dauer: 3 Méint. E Verdikt gëtt net virun Enn vum Joer erwaart.
Wann näischt dertësche kënnt, da fänkt de Prozess an der ominéiser Bommeleeër-Affär um Méindeg, 25. Februar 2013 virun der "Chambre criminelle" vum "Tribunal d’arrondissement de Luxembourg" un.
Dat hunn d'Justizautoritéiten um Dënschdegmëtteg confirméiert. Si ginn dovunner aus, datt de Prozess 3 Méint dauert.
De Parquet huet fir de Jorhonnert-Prozess 60 Zeie convoquéiert, den Maître Gaston Vogel, den Affekot vun engem vun den 2 ugeklote Gendarmen, och, dorënner de Prënz Jean.
De Maître Vogel huet am RTL-Interview vun engem lamentabelen Dossier geschwat, iwwert deen hien awer ganz optimistesch ass.
Mat engem Verdikt ka fréistens Enn 2013 gerechent ginn. Wahrscheinlech gëtt et awer Fréijoer 2014.
Déi 2 Ugeklote musse sech ënnert anerem wéinst Tentative d'assassinat veräntweren a riskéiere bis zu 25 Joer Prisong.
