
Den US-Bundesstaat Kalifornien hat de KI-Entwéckler OpenAI wéinst enger Hackerattack vu senge Modellen op d'Plattform Hugging Face verklot. De kalifornesche Procureur general Rob Bonta huet d'Klo e Méindeg bei engem Geriicht zu San Francisco agereecht. Der Entreprise gëtt dora reprochéiert, seng experimentell Technologie wëssentlech "ouni d'Sécherheetsmesuren an Iwwerwaachungsmoossnamen, déi fir de Schutz vun der Ëffentlechkeet néideg waren" entwéckelt oder getest ze hunn.
Et geet ëm ee Virfall aus dem Juli 2026. Experimentell Versioune vun OpenAi-Modeller waren deemools aus hirem Testëmfeld ausgebrach, hu sech da mam Internet verbonnen an domadder intern Systemer vun der Programméier-Plattform Hugging Face attackéiert.
"Den 'Hugging Face'-Ugrëff war dat previsibelt Resultat vun enger Entreprise-Kultur bei OpenAI, déi Wuesstem a séier Modellentwécklung iwwer d'Sécherheet an d'Recheschaftsflicht stellt - an dat war just ee vun 80 bekannte Virfäll", huet de Bonta erkläert. "A Kalifornien schätze mir Innovatioun, ma mir fuerderen Innovatioun, déi am Aklang mam Gesetz steet - onofhängeg vum Produit oder der Entreprise."
An de Geriichtsdokumenter vun 31 Säite gëtt OpenAI reprochéiert, d'Gesetzer vum Bundesstaat ze verletzen, dat wéinst "mangelhafte Sécherheetsmoossnamen, d'Mëssuechtung vun der ëffentlecher Sécherheet an der bekannter Erpréiwung vun engem geféierleche Produit ouni Opsiicht souwéi wéinst ierféierenden Aussoe géigeniwwer Verbraucher an der Ëffentlechkeet".
En OpenAI-Spriecher huet dogéint erkläert, d'Entreprise hätt "ëmfaassend an transparent" Moossnamen ergraff, fir d'Feelverhale vu Modeller ze verstoen an ze behiewen. D'Klo mécht den Andrick, OpenAI geziilt wéinst engem Probleem erauszegräifen, dat all KI-Laboen erkannt hätten, heescht et weider.
OpenAI muss sech aktuell och mat engem Rechtssträit a Kanada beschäftegen. Do huet déi kanadesch Provënz British Columbia eng Klo géint d'Entreprise agereecht, well den ChatGPT-Fournisseur virun engem déidleche Schosswaffevirfall op enger Schoul net viru verdächtegen Aktivitéiten am Account vun der spéiderer Täterin gewarnt hat.