Wéi de Gouvernement matdeelt, gouf en Donneschdeg 25. Juli en neien offizielle Rekord bei der Dagesmaximaltemperatur gemooss, dat zu Steesel.

No der Auswäertung vu sengen 32 Wiederstatiounen am Land, huet de staatleche Wiederdéngscht AgriMeteo festgehalen, dass déi zu Steesel gemoosse 40,8 Grad déi héchst Temperatur ass, déi et zanter dem Ufank vun den Opzeechnungen am Joer 1838 zu Lëtzebuerg goufen.

Schreiwes vum Gouvernenemt

40,8°C: Neuer offizieller Temperaturrekord in Luxemburg (26.07.2019)
Communiqué par: Ministère de l'Agriculture, de la Viticulture et du Développement rural

Mit 40,8°C wurde am gestrigen 25. Juli 2019 in Luxemburg ein neuer offizieller Rekord der Tagesmaximaltemperatur in Steinsel gemessen.

Nach Auswertung seiner 32 Wetterstationen im Land hat der staatliche Wetterdienst AgriMeteo (der Administration des Services Techniques de l'Agriculture ‒ Ministère de l'Agriculture, Viticulture et du Développement rural unterstellt) festgehalten, dass dies die höchste Temperatur ist, die seit Beginn der Wetteraufzeichungen im Jahre 1838 in Luxemburg gemessen wurde.

Der bisherige offizielle Rekord stammte vom 8. August 2003, an welchem Tag an der AgriMeteo Station in Remich ein Maximalwert von 40.5°C aufgezeichnet wurde. Dieser Wert wurde gestern am 25. Juli 2019 sowohl in Steinsel als auch in Remich (40.6°C) übertroffen.

Rekord och um Findel

Och um Donneschdeg war et nees waarm dobaussen an den absoluten Temperaturrekord zu Lëtzebuerg gouf geknackt. Um Findel gouf mat 39 Grad déi héchste jee gemoossen Temperatur hei am Land registréiert. Déi offiziell Moossungen um Findel gi bis an d'Joer 1947 zeréck. De Rekord louch bis ewell bei 37,9 Grad an dat war am Joer 2003. Den 11. August 1996 ware 36,6 Grad um Findel gemooss ginn.

  1. 25/07/2019 : 39.0 °C
  2. 08/08/2003 : 37.9 °C
  3. 12/08/2003 : 37.9 °C
  4. 24/07/2019 : 37.7 °C
  5. 09/08/2003 : 37.2 °C
  6. 11/08/1998 : 36.6 °C

Nodeems Meteolux fir déi lescht zwee Deeg eng Alerte Rouge erausginn hat, gëllt um Freideg nach just eng Alerte Orange, mat Temperaturen tëscht 32 a 35 Grad. Déi gëllt vun 12 bis 21 Auer. Betraff ass dat ganzt Land. Laanscht d'Musel an am Zentrum vum Land kënnen et och iwwer 36 Grad ginn.

Am Laf vum spéiden Nomëtteg a géint der Owend kënnen d'Wolleken och méi déck ginn a vereenzelt kann et zu Schaueren oder Donnerwiedere kommen.

D'Direction de la santé hat e Mëttwoch d'Alerte rouge declenchéiert. Déi gëllt nach bis e Freideg. Et gëtt gerode vill ze drénken, op d'mannst 1,5 Liter den Dag. Besonnesch eeler Persoune, Kanner a Leit mat gesondheetlech Problemer muss gutt oppassen.

Wéinst deenen extremen Temperaturen huet d'Regierung een Appell un d'Populatioun gemaach, verstänneg mam Drénkwaasser ëmzegoen. Et sollt ee kee Waasser verbëtzen a virun allem och kee Waasser aus Flëss oder Baachen ofpompelen. Et hätt een nämlech een Niveau erreecht, dee fir Flora a Fauna kritesch ass. Sou soll d'Netze vu Gréngflächen, d'Wäsche vun Autoen oder och d'Opfëlle vu Schwämmen op ee Minimum reduzéiert ginn.

Auswierkungen op Planzen an Déieren

An der Musel-Regioun louchen d'Temperaturen en Donneschdeg zum Deel iwwer 40 Grad Celsius. De Pierre Weimerskirch huet bei engem Wënzer nogefrot, wéi d'Riewen dës héich Temperature verdroen a war och am Naturmusée fir ze froen, wéi d'Déieren- an d'Planzewelt sech un esou Konditioune kann upassen.

Héich Temperaturen: Auswierkungen op Planzen an Déieren
De Pierre Weimerskirch war um Donneschdeg op der Musel an am Naturmusée.

Tempo 90 op den Autobunnen

Duerch déi héich Temperature sinn och d'Ozonwäerter geklommen. Wéi den ACL matdeelt, gouf e Mëttwoch géint 13.15 Auer op allen Autobunnen d'Vitess op 90 km/h reduzéiert.

Ozonwäerter iwwerschratt

Ozonkonzentratioun an der Loft huet d'Mark vun 180 μg/m3 iwwerschratt. Zu Biekerech louch se souguer um 12 Auer um Mëttwoch de Mëtteg bei 193 μg/m3.

Dëst bedeit e Risk fir d'Gesondheet, grad vu verschiddene Gruppen an der Populatioun. Esou sollen eeler Leit, Kanner a Leit mat Otem- oder Häerzproblemer aktuell evitéieren, fir tëscht 12:00 a 24:00 Auer dobaussen sech physesch unzestrengen. An engem Gebai ass de Risiko net esou héich, well hei de Wäert meeschtens just ëm d'Hallschent läit.

Warnung virun der Gefor vu Bëschbränn

Dernieft gëtt virun der Gefor vu Bëschbränn gewarnt. Dowéinst heescht et oppassen. Et soll een net Grillen am Bësch a keng Zigaretten oder Glas an de Bësch geheien.

Den Auto soll een net op Gras oder soss Plaze stellen, déi kënne Feier fänken, dat wéinst dem gliddegen Auspuff oder dem Katalysater.

D'Weeër fir an de Bësch eran, soll een och fräiloossen fir d'Pompjeeën an et soll een och all Verdacht op e Brand um 112 mellen.

Temperaturrekorder an den Nopeschlänner

Quasi am Stonnentakt sinn en Donneschdeg an Däitschland d'Temperaturrekorder geknackt ginn. Zu Emsland gouf den däitschen Hëtztrekord mat 42,6 Grad opgestallt an de Rekord vu bis elo, deen am Joer 2015 bei 40,3 Grad louch, däitlech iwwertraff. Ma och op e puer anere Plazen bei eisen däitschen Nopere goufe Rekorder gebrach. Op 25 Miessstatioune goufe 40 Grad a méi gemooss. Dat huet och international fir Reaktioune gesuergt. D'Weltorganisatioun fir Meteorologie huet op Basis vun den Donnéeë vum Däitsche Wiederdéngscht getwittert, dass et en Dag wier, dee Wiedergeschicht schreift. Och déi jonk Ëmweltaktivisten Greta Thunberg huet reagéiert a getwittert, dass mat 42,6 Grad ee virleefeg neien däitschen Temperaturrekord opgestallt gi wier.

Och an der Belsch gouf mat 40,6 Grad een neie Rekord notéiert. E Mëttwoch waren et nach 40,2 Grad. Et huet sech ëm déi heegsten Temperatur zanter den Opzeechnungen am Joer 1833 gehandelt, heescht et vum belsche Wiederdéngscht.

An Holland gouf de Rekord vun e Mëttwoch schonn nees gebrach. Mat 40,4 Grad war et en Donneschdeg nach eemol en hallwe Grad méi waarm. Dee leschte Rekord goung op d'Joer 1944 zeréck. Deemools waren Temperaturen op ee Maximum vun 38,6 Grad geklommen.

Duerch d'Hëtzt goufen um Mëttwoch a Frankräich zwee Atomreakter am Südweste vum Land erofgefuer. Paräis huet mat 42,6 Grad een neien Hëtztrekord opgestallt. Dat mellt Météo France. De Rekord vu bis elo, deen an der franséischer Haaptstad bei 40,4 Grad louch, war méi wéi 70 Joer al.

Op wat muss ech bei där Hëtzt oppassen?

Leit iwwer 75 Joer kënne sech am Kader vum "Plan canicule" fir Visitten doheem aschreiwen, wou da Mataarbechter vun engem vun 12 Reseaue vu "Soins à domicile", déi matmaachen, no de Leit kucke ginn. Déi concernéiert Persounen kënne sech beim Roude Kräiz um Tel. 27 55 mellen, dat tëscht 7 an 19 Auer.

Et soll ee bei dësen Temperature genuch drénken, op d'mannst annerhallwe Liter Waasser den Dag. Donieft ass et de gudde Rot, esou wäit et geet op kierperlech Ustrengungen ze verzichten a wann een dobausse schafft, op säi Kierper ze lauschteren, fir engem Sonnestach aus dem Wee ze goen.

Besonnesch eeler Leit, Leit mat chronesche Problemer oder Persounen, déi reegelméisseg Medikamenter huelen, respektiv déi eleng sinn, sollen Uecht ginn. D'Kanner sollen och net onnëtz der Hëtzt an de Sonnestralen ausgesat ginn.

Communiqué vun der Stëmm vun der Strooss

Communiqué : Alertes orange et rouge à la Stëmm vun der Strooss

Les travailleurs sociaux estiment qu’il est tout aussi dangereux d’exposer des personnes fragilisées à la chaleur que de les laisser dehors par des températures tombant en dessus du 0°C. C’est la raison pour laquelle, les restaurants de Esch-sur-Alzette et de Hollerich resteront ouverts comme d’habitude, à savoir de 11h30 à 16h30.

Afin d’éviter que les personnes bénéficiant d’une mesure de réinsertion professionnelle soient mises en péril, elles ne travailleront que le matin. Il a également été décidé que la nourriture préparée et servie se limite à des plats froids, et que des bouteilles d’eau soient distribuées en masse. Par contre, les services habituellement proposés comme la douche, la buanderie, le vestiaire et le service médical seront suspendus. Les travailleurs sociaux veilleront à ce que leurs protégés fassent des pauses prolongées, voir qu’ils rentrent chez eux plus tôt si leur état de santé l’impose.

D’ailleurs, l’atelier Caddy a réduit les tournées des chauffeurs pour la journée, puisque la camionnette n’est pas climatisée. Il a été décidé de limiter les produits à récupérer d’Auchan, et de prendre seulement des produits secs.

Pressrelease : Orange and Red Alert at the Stëmm vun der Strooss

Social workers consider it as dangerous to expose vulnerable individuals to extreme heat as it is to leave them outside at temperatures below 0°C. Therefore, the restaurants in Esch-sur-Alzette and Hollerich will remain open as usual, namely from 11h30 to16h30.

In order to avoid risking the health of the individuals benefitting from a professional reintegration, they will only work in the morning. It has also been decided that the food prepared and served should be limited to cold dishes, and that water bottles would be widely distributed. However, the services usually proposed, such as the showers, the laundry room, the changing rooms and the medical service will be suspended. The social workers will make sure that their clients will take longer breaks, or leave earlier if necessary.

Besides, the Caddy atelier diminished the drivers’ duties for the day, as the van is not air conditioned. It has been decided that the amount of products to be retrieved from Auchan would be limited, and that only dried goods could be brought in.