Um Freideg koum d’Regierung fir den 1. Ministerrot no der Summerpaus beieneen. Dominéiert gouf déi Sëtzung vum Gesondheetszoustand vum Félix Braz.

De Vizepremier a Justizminister hat virun zwou Wochen, den 22. August, an der Belsch en Häerzinfarkt gemaach. Well d'Gehir no deem Häerzstëllstand wärend der Reanimatioun net oxygenéiert war, huet den 53 Joer ale Félix Braz missten an de kënschtleche Koma gesat ginn.

En ass deen Owend selwer nach op Bruges transferéiert an och do operéiert ginn, fir d'Oderen opzemaachen.

De Félix Braz ass fir den Ament ausser Liewensgefor, mä hie läit no engem Transfert op der Intensivstatioun. Medeziner schwätze vun engem "Etat de conscience minimal".

"En ass ausser Liewensgefor. Säi Gesondheetszoustand huet sech och stabiliséiert an e bleift awer weider op der Intensivstatioun. Ech hunn am Moment de Kontakt mat der Famill all Dag gehat, och fir d'Evaluatioun ze hunn. Net méi spéit wéi en Donneschdeg krut en d'kënschtlech Beootmung ewechgeholl. Dat heescht, et sinn positiv Aspekter, déi all Dag kommen."

Elo missten weider Analysen gemaach ginn, an et misst een den Diagnostik vun den Dokteren ofwaarden:"Dat kann Deeg daueren, awer och Wochen. Soulaang ech deen net hunn sinn ech der Meenung datt een soll waarden bis een definitiv weess wéi et weider soll goen."

Um 12 Auer um Freideg de Mëtteg war e Briefing vum Premier Xavier Bettel. Do gouf annoncéiert, dass d’Kultur- a Logementsministesch Sam Tanson och de Justizressort fir de Moment iwwerhëlt.

D'Gesetz gesäit vir, dass wann ee Minister no 15 Deeg seng politesch Funktiounen net kann assuméieren, een anere Regierungsmember dës Aufgaben iwwerhëlt.

Et gëtt domadder bis op Weideres kee Remaniement an der Regierung, mä en Transfert de compétences temporaire, deen an engem Arrêté grand-ducal festgehale gëtt an och schonn um Freideg vum Grand-duc signéiert gouf.

"Den Här Braz war, ass a bleift Member vun der Regierung", huet de Premier Xavier Bettel betount, e Staatsminister, dee bei dëser Annonce ergraff war an der Famill de Support vun der ganzer Regierung ausgedréckt huet.

De Premier huet nach betount, datt hien zouversiichtlech ass datt d'Sam Tanson d'Dossieren am Justizministère mam Esprit vum Felix Braz weider wäert féieren.

AUDIO: Bilan Conseil Gouvernement / Reportage Claudia Kollwelter

Hei dat offiziellt Schreiwes:

État de santé de Félix Braz – Situation au 06.09.2019
Communiqué par: ministère d'État

Suite à un malaise cardiaque, le Vice-Premier ministre, ministre de la Justice, Félix Braz, reste toujours hospitalisé en soins intensifs en Belgique et ne peut excercer ses fonctions de ministre de la Justice pour le moment.

Le Premier ministre, ministre d'État informe qu'en date d'aujourd'hui et en concertation avec le parti « déi gréng » , S.A.R le Grand-Duc a signé un arrêté grand-ducal attribuant temporairement le ministère de la Justice à Madame la Ministre, Sam Tanson. Pendant la période d'attribution temporaire, Madame la Ministre Tanson est pleinement compétente pour les attributions relevant du ministre de la Justice. Pendant cette période et dans l'exercice de cette compétence, Sam Tanson signera en tant que Ministre de la Justice.

Pendant de cette période, le gouvernement évaluera régulièrement la situation et adaptera ces mesures si nécessaire. Le gouvernement informera la presse sur ces évolutions et demande entre temps de respecter la vie privée du ministre et de sa famille.