Stater Gare nees op"Et gouf eng Zort Übungsmunitioun fonnt", esou de Policespriecher

RTL Lëtzebuerg

En Donneschdegowend gouf et op der Stater Gare e gréissere Policeasaz, bei deem d'Gare och evakuéiert gi war.

Update: 05.12.2025 15:51

Gréissere Policeasaz op der Stater Gare wéinst suspektem Pak

D’Police hat de Beräich groussraimeg ofgespaart.

Et gouf e Sécherheetsperimeter ageriicht, wat natierlech och zur Folleg hat, dass et gréisser Perturbatiounen am Trafic gouf, sou z.B. och bei den Zich, déi net méi an d’Gare erafuere konnten.

Bommenalarm op der Stater Gare (30.11.23)

The photos published on this site are subject to copyright and may not be copied, modified, or sold without the prior permission of the owner of the site in question.

Vun der Police krute mer d’Informatioun, dass wuel e suspekte Pak am Fundbüro* ofgi gouf. Spéider sollt sech erausstellen, dass et sech heibäi ëm eng Zort “Übungsmunitioun” gehandelt huet. Et géif awer keng Gefor méi bestoen a géint 19.39 Auer ass d’Gare nees opgaangen. De Service Deminage vun der Arméi war op d’Plaz geruff ginn.

*En Donneschdeg hat d’Police gemellt, datt de Pak am Fundbüro ofgi gouf, wéi de Parquet e Freideg de Moie preziséiert, wier de Pak bei den Informatiounsguicheten op der Gare ofgestallt ginn.