Am Dag stierwen an der Moyenne eng Dose Leit am Land. Fir dat ganzt Joer 2023 waren dat ronn 4.260 Stierffäll, woubäi d’Moyenne bei de Männer bei 75 Joer läit a bei de Frae bei 81 Joer.
Tumeure sinn d’Haaptursaach vun de Stierffäll, viru Kreeslaf- an Otemweekrankheeten. Béid Pathologië maachen 52% vun alle Stierffäll aus, wéi de Gesondheetsministère a senge Statistiken notéiert.
Bei de Männer ass déi heefegst Doudesursaach de Longekriibs virun de Fäll vun Prostate- oder Pankreas-Kriibs. Bei de Frae stierwen déi meescht wéinst Broscht- respektiv Longekriibs.
Wat d’Analys vun de Méint ugeet, sou sinn zejoert déi meescht Leit am Januar verscheet - déi mannst am Juli.
94% vun den Doudesfäll waren op natierlech Ursaachen zeréckzeféieren. D’Hallschent vun de Persounen, déi gestuerwe sinn, sinn am Spidol verscheet, e knappen Drëttel an den Altersheemer a 17% bei sech doheem.
Link: Déi ganz Statisiken an d’Schreiwes vum Gesondheetsministère an der Krankekeess fannt Dir hei.
RTL-News (19.12.23): Bilan 2022: D’Haapt-Doudesursaach hei am Land waren Häerz- an Zirkulatiounskrankheeten
RTL-News (9.2.23): Virun den Häerzkreeslafkrankheeten: Tumeure sinn déi heefegst Doudesursaach zu Lëtzebuerg
