Am Cycle 1, also der sougenannter Spillschoul, géife wichteg Grondlage fir de ganze schoulesche Parcours geluecht ginn an et kéimen ëmmer méi Erausfuerderungen derbäi, esou d’Argumentatioun vun de Syndikater. Et wier ee sech zwar bewosst, datt dës Revendicatioun net vun haut op muer kéint ëmgesat ginn, ma et erwaart ee sech, datt den Educatiounsministère sech engagéiert, dat an Zukunft ëmzesetzen.
