En Dënschdegowend waren d'Secouriste vum CGDIS zwee Mol bei Accidenter op eise Stroossen am Asaz.

Géint 17.15 Auer krute sech bei der Stater Gare e Bus an en Auto ze paken. D'Pompjeeën an d'Ambulancieren aus der Stad hu sech hei ëm eng blesséiert Persoun gekëmmert.

Kuerz virun 19 Auer sinn dann tëscht Diddeleng-Biereng an dem Beetebuerger Kräiz op der A13 zwee Autoen aneneegerannt. Och hei gouf et ee Blesséierten. D'Pompjeeë vu Beetebuerg an Diddeleng an d'Ambulanciere vun Diddeleng goufen op d'Plaz geruff.