Eng Spuer war blockéiert, wouduerch et nëmme lues laanscht goung. Wéi de CGDIS méi spéit a sengem Bulletin schreift, goufe bei der Kollisioun zwou Persoune blesséiert. Um Asaz waren d’Ambulancieren an d’Pompjeeën aus der Stad.
Zu Fréiseng an der Robert Schuman-Strooss ware géint 8 Auer e Moto an en Auto net laanschtenee komm. Och hei gouf eng Persoun blesséiert a vun de Rettungsdéngschter vu Fréiseng an Diddeleng versuergt.
Zu Fluessweiler an der Haaptstrooss gouf et e weidere Blesséierten. Dat bei engem Accident kuerz no 9.30 Auer. D’Ambulanciere vu Fluessweiler an d’Pompjeeë vu Mäertert waren op der Plaz.
