D'Mënscherechtskommissioun CCDH huet d'Ëmsetzung vun dësem Artikel zu Lëtzebuerg ënner d'Lupp geholl an dobäi Lacunne festgestallt. Ënner anerem géif et net genuch adaptéierten a bezuelbare Wunnraum ginn, an d'Prozedure fir Adaptatioune vu Wunnenge wiere komplizéiert an deier. Och fir déi perséinlech Assistenz géif nach ëmmer e gesetzleche Kader feelen. Zousätzlech wiere vill Servicer nach net genuch op d'Besoine vu Mënsche mat enger Behënnerung ausgeriicht.
