Virun 79 Joer koum et am fréiere KZ a Prisong fir politesch Detenue vu Sonnenburg a Polen, haut Slonsk genannt, zum Massaker vun engem SS-Detachement, déi 819 Prisonéier erschoss hunn.
Ënnert hinne waren deemools och 91 Lëtzebuerger Zwangsrekrutéiert, déi sech geweigert haten, fir d’Wehrmacht ze kämpfen. Et war de gréisste Massemord u Lëtzebuerger wärend dem Zweete Weltkrich.
Zu Groussbus ass um Dënschdeg eng Commemoratiounszeremonie, bei där d’Regierung duerch d’Ministesch Martine Hansen vertrueden ass.
