Lëtzebuerg ass am internationale Verglach eent vun de produktiivste Länner.
De Marco Wagener, President vum Wirtschafts-a Sozialrot, huet e Mëttwoch de Mueren am RTL-Interview erkläert, datt Produktivitéit awer net nëmme quantitativ gemooss gëtt, well et spillen nach ganz vill aner Facteure mat, mat deene Plus-value geschaaft gëtt. An déi berechnen, ass eng komplex an zäitopwenneg Aarbecht.
De Wirtschafts- a Sozialrot ass jo e berodend Organ vun der Regierung an huet rezent säin Avis iwwert d'Produktivitéit erausginn. Recommandatioun am Avis sinn: Héich Investissementer an Infrastrukturen a Formatioun, an och d'Salariéë solle méi mat agebonne ginn. Dat géif der Produktivitéit och laangfristeg zegutt kommen, sou den CES-President Marco Wagener.
Eng weider Recommandatioun ass Ongläichheeten tëscht Aarm a Räich bekämpfen, fir datt d'Leit eng Perspektiv hunn an esou motivéiert sinn, fir produktiv ze sinn.
Invité e Mëttwoch ëm 10 op 8 war de President vum Wirtschafts- a Sozialrot.
Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.
LIVESTREAM: RTL Radio Lëtzebuerg live lauschteren.
