Analyséiert goufen 1.158 Prouwen. An deem Zäitraum goufen 2.699 Persoune positiv getest. Alleguerten d’Prouwen, déi an der 48. Kalennerwoch sequenzéiert goufen, sinn op d’Delta-Mutatioun zeréckzeféieren. Den éischten Omikron-Fall gouf an de Prouwe vun der 49. Woch entdeckt.
D’AY.43-Linn kënnt mat 34,8 % am heefegste vir, AY.4 op Plaz 2 mat 11,8% an AY.98.1 op drëtter Plaz mat 8,4%.
Iwwerdeems gouf mat 27 detektéierte positive Grippe-Prouwen den entspriechende Seuil depasséiert, deen d’Epidemie-Saison alaut, sou wéi se den ECDC festgeluecht huet.
