Background am Gespréich (14. November)Flucht a Migratioun: Wéi vill "Wëllkomm" gëtt et nach?

Wou solle Mënschen, déi hei Schutz sichen, wunnen? Wéi kann Zesummeliewe geléngen? A wou hält déi berechtegt Suerg op a fänkt de Virurteel un?

Tëscht Solidaritéit, Onsécherheet a politescher Instrumentaliséierung. Eng Stonn iwwer Flüchtlingen, Migratioun an d’Fro, wéi ee vun engem Friemen zum Noper gëtt. Doriwwer schwätze mer e Samschdeg am Background mam:

• Simone Asselborn-Bintz, Buergermeeschtesch vu Suessem a Vertriederin vum Syvicol
• Max Hahn, Minister fir Famill, Solidaritéit, Zesummeliewen an Accueil
• Frank Wies, Affekot mat laangjäreger Erfarung Asyl- an Immigratiounsrecht an Délégué vun Amnesty International am Lëtzebuerger Flüchtlingsrot
• Laura Zuccoli vum Lëtzebuerger Flüchtlingsrot

Eis Emissioun Background am Gespréich héiert der wéi gewinnt dëse Samschdeg tëscht 12 an 13 Auer um Radio, op der App an online op rtl.lu.

LIVESTREAM: RTL Radio Lëtzebuerg live lauschteren.

"Background am Gespréich" leeft ëmmer samschdes an der Mëttesstonn (vun 12 bis 13 Auer) op RTL Radio Lëtzebuerg an am Livestream um Internet respektiv an der App (Audio a Video). Dono ass d'Emissioun op RTL.LU an um RTL Play zu all Ament nach eemol ze lauschteren oder ze kucken - an der Rubrik "Radio" bei Emissiounen " Background " wielen.