D'Grenzen tëscht Collaboratioun a Resistenz verschwannen heiansdo. De Geschichtsproff Henri Wehenkel wëll mat sengem Buch „entre chien et loup“ eng nei Vue op d'Occupatiounszäit zu Lëtzebuerg ginn, notamment wat d'Responsabilitéit vun de Lëtzebuerger ugeet. Et konnt een nämlech ganz laang souwuel Kollaborateur a Resistenzler sinn.
Hie wier am Laf vun der Zäit ëmmer manner d'Accord gewiescht mat deem, wat zu Lëtzebuerg als richteg vermëttelt gouf. Am Ausland gëtt et scho méi laang esou eng Geschichtsschreiwung, ma hei am Land wier hien als Enseignant ëmmer méi onzefridde ginn, mat der Manéier iwwert den 2. Weltkrich ze schwätzen.
Den Auteur huet a sengem neie Buch 16 Biografien zesummegefaasst, déi solle weisen, datt ee keng Schwaarz-Wäiss-Molerei ka maachen.
Den Henri Wehenkel war iwwerrascht driwwer, datt hien net méi kritiséiert gouf. Fréier hätt bei esou Artikelen anonym Bréiwer kritt, mam Affekot gedreet kritt oder gesot kritt, dass een déi eng oder aner Persoun beleidegt hätt , an dat obschonns Nimm genannt goufen a mat offene Kaarte gespillt gouf.
De 25. Januar ass eng Virliesung vum Henri Wehenkel am CNL zu Miersch.
Invité en Dënschdeg de Moien um 10 op 8 war den Auteur vum Buch "entre chien et loup".
Rendez-vous fir den Interview mam Invité vun der Redaktioun all Dag vu méindes bis donneschdes um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.
