Géint 7.12 Auer ass en Automobilist an der Avenue John F. Kennedy um Kierchbierg accidentéiert. Eng Persoun gouf dobäi blesséiert a vun de Rettungsdéngschter aus der Stad versuergt.
Zu Ollem an der Capellener Strooss gouf ëm déi selwecht Zäit eng Persoun vun engem Auto ugestouss a blesséiert. Op der Plaz waren de Samu aus der Stad, d’Ambulanciere vu Mamer an d’Pompjeeë vu Mamer a vu Kielen.
E weidere Foussgänger gouf iwwerdeem géint 7.35 Auer an der Route de Luxembourg zu Beetebuerg ugestouss. Op der Plaz waren d’Rettungsdéngschter vun Diddeleng a Beetebuerg.
Bei enger Kollisioun op der Escher A4 tëscht Leideleng-Nord an dem Zéissenger Kräiz géint 8 Auer en Donneschdeg de Moie blouf et beim Materialschued. D’Ambulancieren aus der Stad, grad ewéi d’Pompjeeë vu Leideleng, Monnerech an der Stad waren um Asaz.
