Wéi de Provider op sengem Internet-Site matdeelt, géif et zanter 15.20 Auer Probleemer ginn. Eng Rei Servicer, dorënner d’Authentifikatioun, sinn den Ament deemno net disponibel. Auswierkungen op beispillsweis d’Donnéeë vu Clienten oder d’Sécherheet vun Transaktiounen hätt d’Pann net. D’Ursaach vum Probleem wier den techneschen Ekippe bekannt a si géifen den Ament u senger Behiewung schaffen, heescht et weider vu LuxTrust.
