Den Dag ginn eng ronn 500 Extraite bei der Kadasterverwaltung ugefrot. Déi meescht dovun iwwert den digitale Wee, also iwwer Geoportail a myguichet.
D’Leit, déi en Extrait brauchen, ginn awer och an Zukunft an de Guicheten op der Cloche d’Or empfaangen.
Geplënnert sinn d’Direktioun, d’Zerwisser vum Remembrement, den Geo-Donnéeën an der offizieller Unitéit, déi
Miessunge mécht. Alles an allem schaffen eng 150 Fonctionnairen fir dës Verwaltung, dorënner Geometeren, Architekten a Juristen.
D’Aweiung vun de neien Lokalitéiten vun der Kadasterverwaltung war en Dënschdeg de Moien a Presenz vun der zoustänneger Finanzministesch Yuriko Backes. Déi al Gebailechkeeten um Belair an der Gaston-Diderich-Strooss ginn iwwerdeems renovéiert.
