D'Ännerung soll eng méi direkt Verbindung mat der neier Transformatiounsstatioun erméiglechen, den Ofstand zu den Uertschaften Eesebuer an Aasselscheier vergréisseren an duerch Upassunge vun der Positioun an der Héicht vun de Masten eng besser landschaftlech Integratioun garantéieren.
No der virleefeger Ëmweltpréiwung ginn duerch dës Ännerung keng bedeitend zousätzlech Auswierkungen op d'Bevëlkerung, d'Natur, d'Natura-2000-Schutzgebitt oder d'Waasserressourcë erwaart. Dëst ënner der Viraussetzung, datt déi virgeschriwwe Schutz- a Präventiounsmesuren ëmgesat ginn.
