Jiddweree wëll proppert Waasser, eng Kanalisatioun an eng Klärung déi fonctionnéiert, mä sou selbstverständlech ass dat net ëmmer...
Zanter elo schonn e puer Méint ploe sech d'Awunner vun Allënster mam Drénkwaasser. Et ass verknascht an d'Gemengeresponsabel, zesumme mat professionelle Betriber, hunn d'Ursaach vun dësem Problem nach net fonnt. Vun der nächster Woch un sollen nei Mesurë geholl ginn, fir der Ursaach op de Fong ze goen.
Zu Allënster ginn d'Awunner nach ëmmer opgefuerdert net vum Krunn ze drénken. Obwuel schonn eng Partie Waasserkontrollen duerchgefouert goufen, ass d'Source vum Problem nach net detektéiert. D'Froe "Wou" a "Wat" sinn nach net gekläert.
