Walkampf op eege Fauscht mécht een net, sot d'Viviane Reding en Donneschdeg de Moien. Si war eis Invitée vun der Redaktioun.
No bal 3 Joerzéngten zitt d'CSV-Politikerin e Stréch ënnert hir europapolitesch Carrière.
Et géif nëmme mat der Ekipp goen, dowéinst hätt si och hir Europapolitik duerch kritt. An och hei am Land kéint ee just als Ekipp Wale gewannen. Dat huet d'Viviane Reding ënnerstrach, wéi si drop ugeschwat gouf, ob si virun enger Zäit net eegestänneg fir sech Reklamm gemaach hätt fir d'Walen.
Hir Ausso deemools am RTL-Interview: Si kéint vill, wär falsch verstane ginn. Si hätt wëlle soen, et gi vill Saachen ze maachen an enger Regierung. Et géif net ëm deen een oder aneren Dossier goen, sou d'CSV-Politikerin Viviane Reding.
En Donneschdeg de Moie war d'Viviane Reding eis Invitée am Studio.
Rendez-vous fir den Interview mam Invité vun der Redaktioun all Dag vu méindes bis freides no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.
