Ënnert anerem dat waren d'Sujeten am Presseclub, e Sonndeg tëscht 11 an 12 Auer op Radio Lëtzebuerg. De Replay a Bild an Toun elo online op RTL.lu.

Et huet net un Drama gefeelt déi lescht 2 Méint. Lokal hate mir een Tornado an dës Woch eng Demonstratioun géint de Klimawandel. De Justizminister Félix Braz hat een uergen Häerzinfarkt a ka seng Funktioune bis op Weideres net exerzéieren.

International huet de Brexit-Drama nei Ausmoosse geholl an ass mam Boris Johnson dës Woch definitiv zu Lëtzebuerg ukomm. An dann hu mir nach d'Affär Gaardenhaischen, wéinst där elo de grénge Buergermeeschter Roberto Traversini d'Handduch geheit huet.

Et gouf also genuch ze diskutéieren, dëse Sonndeg am Presse-Club.

Invitéen am Presseclub waren:

d'Josée Hansen vum Land
den Dhiraj Sabharwal vum Tageblatt
de Marc Schlammes vum Wort
an de Richard Graf vun der Woxx.

22/09/2019 Presseclub

De Presseclub héiert Dir all zweete Sonndeg kuerz no 11 Auer op RTL Radio Lëtzebuerg an am Livestream op RTL.lu, wou Dir d'Emissioun dono och an der Rubrik Radio bei den "Emissiounen" fannt.