E Sonndeg am Presseclub waren den Dhiraj Sabharwal vum Tageblatt, de Marc Schlammes vum Wort an de Pit Scholtes vu Reporter.

De Krich an der Ukrain war e Sonndeg ëm 11 Auer am RTL-Presseclub den Haaptsujet. Hei gouf sech manner op d'dramatesch Situatioun an ukrainesche Stied duerch de russesche Bombardement befaasst, mee vill méi mat de Konsequenzen, deen dëse Konflikt wäert hunn.

RTL-Presseclub vum 6. Mäerz 2022

Fir op dës Konsequenze schwätzen ze kommen, muss een natierlech ënnersichen, wat de russesche President Putin iwwerhaapt derzou bréngt, seng an aner Zaldote muttwëlles an den Doud ze schécken.

Wéi konnt et esou wäit kommen? Wat muss elo d'NATO maachen an ass eng No-fly-Zone iwwert der Ukrain en Deel vun der Léisung? Steiere mer an eng Eskalatioun eran, wann d'Nopeschstaaten vun der Ukrain militäresch oprëschten?

Wat huet d'EU an hirer Bewäertung no der Annexioun vun der Krim falsch gemaach? War d'Politik vum Appeasement an dem Ewechkucken déi richteg? Wéi ass ëmzegoe mat der Repressioun, där och elo Oppositioneller bannent Russland ausgesat sinn? Ass eng Mediatioun iwwerhaapt méiglech, fir e Friddensaccord ze fannen?

Wat sinn d'Effekter op d'Energiepräisser a bréngt de Krich wierklech en Ëmdenken, wat d'Notzen an d'Sourcë vun der Energie uginn? Si mer prett fir eng nächst massiv Flüchtlingswell?

Alles Froen, wouvunner eng méi pertinent wéi déi aner ass, mee wou d'Äntwerten absolut net einfach sinn, mee sou komplex wéi den Ëmgang mam Krich, dem Verlaf dovunner, dem Putin-Regime a senge finanz-potente Frënn.

Ënner anerem dës Froe hu mer eis am Presseclub e Sonndeg gestallt, wou mer awer och op d'Mesurë fir d'Stéit nom Energiedësch agaange sinn an op den neie politesche Mouvement "Fokus".

Mat an der Ronn dobäi war de Journalist Pit Scholtes, dee selwer virun e puer Wochen nach an der Ukrain war an dee fir den Online-Noriichten-Plattform Reporter schreift. Soss nach vu Wort an Tageblatt: den Dhiraj Sabharwal an de Marc Schlammes.

Eis Invitéen

  • Dhiraj Sabharwal vum Tageblatt

  • Marc Schlammes vum Wort

  • Pit Scholtes vun der Online-News-Plattform Reporter.

De Presseclub héiert Dir all zweete Sonndeg kuerz no 11 Auer op RTL Radio Lëtzebuerg, am Livestream op RTL.lu an op RTL Play, wou Dir d'Emissioun dono och an der Rubrik Radio bei den "Emissiounen" fannt.