Wéi déi Lëtzebuerger Futtballfederatioun en Dënschdeg annoncéiert huet, spillen d'FLF-Dammen zwee Frëndschaftsmatcher géint Zypern. Déi béid Partie si fir de 27. an 30. November programméiert a ginn auswäerts am Ethnikos Achnas Stadion an Zypern gespillt.
De Kader fir déi béid Frëndschaftsmatcher gëtt den 19. November op enger Pressekonferenz zu Monnerech annoncéiert. Réischt virun enger Woch gouf bekannt, datt d'Rout Léiwinnen am Grupp 4 an der Liga C vun der Nations League d'nächst Joer géint Bosnien-Herzegowina, Estland a San Marino spillen.
