An der Axa League bei den Häre start de Champion Esch beim HB Käerjeng an den Damme-Champion Käerjeng huet Esch op Besuch.

D'Handball-Federatioun huet de Spillplang vun der 1. Hallschent vun der Saison verëffentlecht.

D'Championnat fänkt de Weekend vum 13. September un. Um 1. Spilldag bei den Häre kënnt et nieft dem Match Käerjeng géint de Champion Esch nach zu den Dueller Red Boys géint Diddeleng, Bierchem géint Péiteng a Chev Dikrech géint Schëffleng.

Bei den Damme spillt de Champion Käerjeng géint Esch, d'Red Boys géint Diddeleng, de Standard géint de Museldall an de Chev Dikrech ass Spillfräi.