E Freideg den Owend huet sech Algerien an der Finall mat 1:0 géint de Senegal behaapt.

Déi algeresch Futtball-Nationalekipp huet fir d'zweete Kéier no 1990 den Afrika-Cup gewonnen. An der Finall zu Kairo an Ägypten huet d'Ekipp vum Nationaltrainer Djamel Blemadi sech duerch ee fréie Gol mat 1:0 géint de Senegal duerchgesat.

De Baghdad Bounedjah huet direkt mam éischte Konter am Match an der 2. Minutt fir den decisive Gol gesuergt. De Schoss vum Stiermer war vum Schalker Bundesliga-Profi Salif Sane ofgefälscht ginn, sou datt de Ball am héije Bou iwwert de senegalesesche Kipper Alfred Gomis an de Gol geflunn ass.

D'Senegalesen, bei deenen den Champions-League-Gewënner Sadio Mane (FC Liverpool) onopfälleg bliwwen ass, mussen domadder weider op hir éischte Victoire bei dësem Tournoi waarden.