Zu Uewerkuer ass e Samschdeg de Supercup bei den Dammen a bei den Hären ausgedroe ginn.

Bei den Dammen ass et um 15 Auer zum Duell tëscht dem Doublégewënner HB Käerjeng an dem HB Diddeleng komm. Mat 27-18 ka sech den HB Käerjeng dann och zimmlech kloer duerchsetzen an domat den éischten Titel vun der neier Saison feieren.

© Serge Olmo

Méi spéit ass dann nach de Supercup bei den Häre gespillt ginn. Den Doublégewënner HB Esch ass viru ronn 600 Spectateure géint d'Red Boys Déifferdeng ugetrueden. D'Resultat war hei net sou kloer wéi dat bei den Dammen de Fall war. An der Paus louchen d'Red Boys knapps mat 15:14 a Féierung. Bis zum Schluss sollt et dem HB Esch awer net geléngen de Match ze dréinen a sou wënnt d'Ekipp vun Déifferdeng de Match mat 28:26.

No de Supercup Partien war den Season Opening vun der Handball Federatioun mat och dem Tirage vun den Aachtelsfinallen vun der Coupe bei den Hären.

Et ass eng Koppel erauskomm wou 2 Veräiner aus der héchster Divisioun géinteneen spillen an zwar ass et den Duell CHEV Dikrëch géint den HB Käerjeng.

Donieft goufen de beschte Spiller an di bescht Spillerin vun der leschter Saison nominéiert.
Bei den Hären heescht den MVP Christian Bock a bei den Dammen ass di Käerjenger Spillerin Emila Rogucka.

Als beschten Härentrainer gouf den Escher André Gulbicki nominéiert. Bei den Dammen war et den Trainer Nummer 1 de Zoran Radocevic vu Käerjeng.