De Gréngewald gewënnt mat 75:58 géint Ettelbréck. Diddeleng kann sech um Sonndeg Owend géint Esch duerchsetzen.  

Nom 1. Véierel louch d'Etzella doheem mat 25:17 a Féierung, dat well Jovana Jaksic immens gutt an de Match komm ass. Am 2. Véierel ass dunn eng Aart Virentscheedung gefall. De Gréngewald huet 3 Gäng eropgeschrauft a gewënnt den 2. Quarter mat 24:9, sou dass d'Hueschterter Damme mat 7 Punkte Virsprong an déi 2. Hallschent gaange sinn. Um Enn eng verdéngte Victoire fir d'Dammen aus dem Gréngewald. Beschte Scorerin war Reili Rene Richardson mat 25 Punkten.

No engem ausgeglachene Match ka sech Diddeleng no engem staarke leschte Véierel mat 91:80 géint de Basket Esch behaapten. Bei Diddeleng war de Kollektiv um Sonndeg ganz staark. Net manner wéi 4 Dammen hu méi wéi 15 Punkte geschoss.

Samschdeg

Um Samschdeg stoung de Spëtzematch tëscht der Residence Walfer an de Musel-Pikes um Programm. En Duell tëscht dem 1. an dem 2.. An dat wat de Match versprach huet, huet en och gehalen. Um Enn wannen d'Miseler no engem ganz spannende Match mat 72:69. Bescht Spillerin bei de Miseler war d'Mikayla Rose Ferenz mat 27 Punkten a 7 Rebounds. Bei Walfer huet d'Amanda Brooke Cahill mat 26 Punkten, 12 Rebounds a 5 Assists erausgestach.

Am zweete Match vum Owend konnt sech Conter ganz kloer mat 76:44 géint Bartreng behaapten. Zemools am éischten an am drëtte Véierel war bei der Sparta net vill funktionéiert wéi se an dësen zwee Véierelen zesumme just 11 Punkten geschoss hunn.