E Mëttwoch den Owend war am Basket bei den Hären de Restart an der Total League.

E Mëttwoch den Owend stoung am nationale Basketchampionnat een Nodrosmatch vum 5. Spilldag um Programm an dat tëscht Contern an Hiefenech.

Um Enn gouf et eng kloer Victoire fir d'Haushären. Si hu sech mat 83:66 (25:16, 16:19, 12:11, 30:20) duerchgesat.

En Donneschdeg war dann och nach een Nodrosmatch vum 4. Spilldag, do konnt sech Steesel kloer an däitlech mat 92 op 61 géint den Telstar duerchsetzen. Fir Steesel war et déi éischte Victoire an dëser Saison.