Dat huet hien en Donneschdeg dem Veräin aus der Forge du Sud matgedeelt.

Vun der nächster Saison u sëtzt de Ken Diederich net méi zu Diddeleng op der Trainerbänk. Dat ass zanter en Donneschdeg gewosst. Domadder gëtt de Kontrakt no zwee Joer net méi verlängert. An dat op Demande vum Ken Diederich hin.

Ken Diederich/Reportage Rich Simon

Fir den T71 ass dat ee battere Schlag. Schonns méi laang war gewosst, dass déi zwee Pilieren vun der Ekipp, den Tom Schumacher an de Frank Müller, hir Schong géifen un den Nol hänken. Dat war villäicht och ee Grond firwat, dass de Ken Diederich als Trainer ophält. De Concernéierte selwer schwätzt awer vun der Duebelbelaaschtung, déi hien als Veräin- an och Nationaltrainer huet.

Praktesch war ech nëmme mam Basket ënnerwee. Mir hu mat der Total League vill Matcher gehat. Dunn ass de Covid dertëschent komm. Et war relativ ustrengend. Doropshin hunn ech mech entscheet, fir mech op de Kader ze konzentréieren a mat der Nationalekipp e weidere Schratt ze maachen an op déi super Leeschtungen opzebauen. De Ken Diederich hat schonns an huet och Offerten aus dem Ausland virleien, fir eng Veräinsekipp ze iwwerhuelen. Den Ament ass dat awer keen Thema.

Et si Kontakter aus dem Ausland do. Et ass awer näischt Konkretes dobäi, wou ech géif soen; Dat doten ass et. Wéinst dem Covid ass et den Ament net einfach eppes ze fannen, wou ee seet, et passt. Et weess een ni, wat geschitt. Wann eppes do ass, wou alles passt, da géif ech et consideréieren. Am Moment ass et awer esou, dass ech mech wëll op d'Nationalekipp konzentréieren a meng Spiller ënnerstëtzen an do probéieren, nach ee Schratt no vir ze maachen.

Dëse Weekend spillt de Ken Diederich mat senger Ekipp géint d'Musel Pikes. Aktuell stinn déi Diddelenger op der 3. Plaz an der Tabell. Awer just 2 Punkten Avance op déi 6. Plaz, déi synonym ass mam Titel Play-Off