Nieft dem Training an der Preparatioun op d’Kompetitiounen leien d’Aufgabe vum Trainer Arnaud Stark am Beräich Kapp-Management an och d’Geréiere vun den Emotioune wärend enger Kompetitioun.
Wéi der Patrizia Van der Weken mat enger 4. Plaz bei der Europameeschterschaft zu Roum de Sprong an d’europäesch Spëtzt gelonge war, hat dat och nei Defie fir de Coach mat sech bruecht. De Kapp misst sech an der Zäit tëscht enger Halleffinall an enger Finall op déi nei Situatioun gutt astellen, wat e gudde Management bräicht, mengt den Trainer.
Den Arnaud Stark war viru senger Trainerkarriär selwer en erfollegräiche franséische Sportler am 10-Kampf.
