RTL - Äishockey: Néierlage fir den Tornado an d'Beefort Knights

E Samschdeg den Owend ware béide Veräiner an hiren auslännesche Championnater gefuerdert.

An der 2. Divisioun vum franséischen Äishockey-Championnat huet den Tornado e Samschdeg den Owend mat 5:8 géint Français Volants de Kierzere gezunn.

Äishockey: Tornado vs Français Volants 5:8 (23.11.24)

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

An der 1. Divisioun am belsche Championnat hunn d'Beefort Knights och eng Néierlag missen astiechen. Dës war allerdéngs denkbar knapp. Am Penalty-Schéissen huet ee sech zu Mechelen misse mat 2:3 geschloe ginn.

D'Beefort Knights louchen no Goler vu Biver a Wambach nom 1. Drëttel mat 2:0 a Féierung. Mechelen konnt am leschten Drëttel nach ausgläichen. Am Penalty-Schéisse sinn dunn d'Goler vu Mazurek a Mossong net duergaangen, fir d'Victoire mat heem ze huelen.

An der Tabell läit Beefort lo op Plaz 7 mat 4 Punkten. Déi nächst Woch spille si op der Kockelscheier géint Courbevoie.