Stroossen wënnt éischt Finale
An enger ganz spannender Partie ka Stroosse sech knapp géint Dikrech behaapten wënnt domat déi éischt Finale.
Am Härevolleyball huet Walfer sech am Spill ëm déi drëtt Plaz mat 3:0 géint Bartreng behaapt.
An der éischter Finale gouf et eng ganz spannend Partie tëscht Stroossen an Dikrech. Stroossen verléiert zwar den éischte Saz 19-25, wënnt dann awer verdéngt 25-18, 25-17 a ganz knapp 31-29.
Um 4. Spilldag vum Play down bei den Häre ka sech Luerenzweiler mat 3:1 géint Bouneweg duerchsetzen.
Bei den Dammen gëtt et e klore Succès fir Walfer. D'Damme vu Walfer behaapten sech an der éischter Finale däitlech 3:0 géint Mamer. Am Playdown klappt Stengefort Stroossen mat 3-1. De Freideg hat Péiteng schonn mat 3-2 zu Bartreng gewonn.
An der éischter däitscher Bundesliga am Dammevolleyball ass d' Anna-Lena Mach mat hirem Veräin VC Wiesbaden e Schrëtt méi no un der Halleffinall. An der Véirelsfinall setzt sech Wiesbaden kloer mat 3:0 géint Potsdam duerch.
