Am hollännesche Basket wënnt den Alex Laurent mat den Helder 95:64 géint BAL Wert. De Lëtzebuerger stoung 19 Minutten um Terrain a konnt 10 Punkte bäisteieren.
An der däitscher Pro A am Basketball gewënnt den Thomas Grün mat de Gladiatore Tréier 82:74 géint Rostock a festege soumat hir 7. Plaz an der Tabell.
Bei den Damme verléiert d'Magalie Meynadier mat de Wohbau Angels géint de Leader Herner TC mat 66:73.
An der 2. däitscher Bundesliga wënnt d'Tina Welter am Handball mat dem VfL Waiblingen mat 36:24 géint den TuS Lintfort.
D'Lëtzebuergerin konnt 3 Goler zur Victoire bäidroen.
An der éischter Belscher Volleyball-Liga gewënnt de Chris Zuidberg mat Waremme mat 3:1 géint Guibertin.
An Italien verléiert de Kamil Rychlicki kloer mat 0:3 mat Ravenna géint Trentino a stinn an der Tabell op der 9. Plaz.
