Summerlech Aromen aus der Provence

Mécht 8 Stéck

4 grouss Tomaten
4 ronn Courgetten
2 Iessläffel Olivenueleg
300ml wäisse Wäin

Fir d’Fëllung:
100g aalt Brout
80ml Mëllech
1 Ënn
1 Knuewelekszéif
2 Iessläffel Olivenueleg
50ml wäisse Wäin
285g Thon aus der Bécks, ofgeschott
30g Kaperen
2 Téiläffel Herbes de Provence
4 Téiläffel roude Pesto oder Harissa
Zest vun 1 Zitroun
1 ½ Iessläffel Zitrounejus
2 Iessläffel Péiterséileg, gehaakt
1 Ee
Salz a Peffer

D’Brout a Stécker schneiden, an eng kleng Schossel ginn an d’Mëllech driwwer schëdden.

D’Courgetten an d’Tomaten uewen opschneiden an den Deckel halen. Mat engem Läffel d’Fleesch aus der Mëtt rauskrazen – dobäi e Rand vun ½ cm hale fir d’Geméis auszehielegen. D’Geméis banne mat Salz a Peffer wierzen.

D’Fleesch aus dem Geméis grob haken an an eng Schossel ginn. D’Ënn schielen an a Scheiwe schneiden. De Knuewelek schielen a pressen.

1 Iessläffel Olivenueleg an enger Pan erhëtzen an d’Ënn 4 Minutten ubroden bis se mëll ass. De Knuewelek derbäiginn an eng weider Minutt ubroden. D’gehaakte Geméis mat 1 Téiläffel Salz derbäiginn an eng 5 Minutte kachen. Dann 50ml Wäin derbäischëdden an eng weider 5 Minutte kache bis bal all d’Flëssegkeet verkacht ass.

Den Thon an eng grouss Schossel ginn, d’Geméis derbäiginn a vermëschen. D’Kaperen haken a bei den Thon ginn, mat den Herbes de Provence, Pesto oder Harissa, Zitrounezest a Jus, Péiterséileg an Ee. D’Brout grob haken an ënnerhiewen. Mat Salz a Peffer wierzen.

D’Fëllung an d’Geméis fëllen a mat den Geméisdeckelen bedecken.

De Schäffchen op 180°C Ëmloft erhëtzen.

2 Iessläffel Olivenueleg an eng Bakform ginn, d’Courgetten drasetzen an 250ml Wäin derbäischedden. 25 Minutten baken.

No 25 Minutten, d’Tomaten an d’Form derbäiginn an eng weider 35 Minutte bake bis d’Geméis mëll ass.

D’Petits Farcis mat Räis oder Couscous zerwéieren.