Doheem – ee Wuert, dat eis direkt e waarmt Gefill gëtt. Dat ass déi Plaz, wou mir eis am wuelste fillen. Mee d'Risike vu Feier, Waasserschied, oder souguer Déifstall sinn net rar. Fir e rouegt Gewëssen ze hunn, ass et wichteg, duerch eng gutt Hausversécherung ofgedeckt ze sinn. Och wann dës zu Lëtzebuerg net obligatoresch ass, ass se awer dréngend unzeroden.

Kontrolléiert den Niveau vun Ärer Ofsécherung mat der Checklëscht hei ënnendrënner:

1. Schützt Iech virun deene wichtegste Risiken

Et ass staark unzeroden, säin Doheem géint déi zu Lëtzebuerg gängegst Risiken ofzesécheren: Feier, Waasserschied, Déifstall, Onwieder, Iwwerschwemmungen, Glasbroch oder nach elektresch Schied a Schied un Haushaltsgeräter.

Déi meescht Assureure proposéiere Versécherungsformullen, déi déi ënnerschiddlech Risiken aschléissen. Esou bitt Iech zum Beispill easyPROTECT Haus a Wunneng 3 Formullen, déi Dir individuell zesummestellen an esou Är Couverture no Äre Besoine personaliséiere kënnt.

2. Als Locataire oder Proprietär

Egal ob Dir Locataire oder Proprietär vun engem Appartement oder engem Haus sidd, Dir sollt Äert Doheem beschtens ofsécheren.

Als Locataire ass et wichteg, Är Miwwelen an Ariichtung ze versécheren. Ausserdeem kënnt et dacks vir, dass de Proprietär esou eng Versécherung verlaangt. Hie kann och e Recours géint Iech aleeën, wann Dir un eventuelle Schied um Gebai responsabel sidd.

Fir Proprietären ass et och recommandéiert eng Assurance fir Gebaier, déi verlount ginn, ofzeschléissen. Tatsächlech leie verschidde Risiken an der Verantwortung vum Besëtzer, an net vum Locataire: informéiert Iech fréizäiteg a loosst Iech vun Ärem Agent beroden!

3. Vergläicht d'Offeren

Och wann de finanziellen Aspekt wichteg ass, vergiesst net och aner Elementer (Ofdeckungen a Limitten) mat a Betruecht ze zéien, wann  Dir de Choix vun Ärer Versécherung maacht. Am Fall vun engem Schued kann eng Formule mat méi niddereger Primm sech als méi deier erweisen, wéi eng Formule, wou de Präis vläicht manner attraktiv wierkt, d'Ofdeckungen awer méi komplett sinn.

Jidderee soll sech d'Liewen sou einfach wéi méiglech kënne maachen. Dofir bitt LALUX easyPROTECT un: e Kontrakt an dem Dir all Är Haaptversécherunge kënnt regroupéieren. Esou hutt Dir eng kloer a präzis Iwwersiicht iwwer d'Couverture vun Ärer Famill. Zousätzlech profitéiert Dir och vun enger Reduktioun vu 50 € pro Wunneng/Haus a vu bis zu 100 € pro Auto mat KASKO-Versécherung.

4. Verhënnert d'Ënnerversécherung

Loosst den Agent vun Ärem Vertrauen de Wäert vun Ärer Immobilie festleeën. Déi verséchert Zomme ginn dobäi op Basis vu fundéierte Schätzunge virgeholl an Dir verhënnert  esou eng Ënnerversécherung am Schuedensfall.

5. Denkt drun Äre Mobilier z'evaluéieren

Versécherungstechnesch gëllen als Mobilier all d'Miwwelen, déi an Ärem Doheem sinn an zum Haushalt gehéieren. Dozou gehéieren niewent de Miwwelen als solches och Är ageriichte Kichen, d'Haushaltsgeräter, Dekoartikelen, Kleeder, Laptop, Smartphone, ... Fir dass d'Versécherungszomm dem tatsächleche Wäert vun Ärem Mobilier entsprécht an Dir esou béis Iwwerraschungen am Fall vun engem versécherte Schued verhënnert, musst Dir sécher goen, dass Dir alles bewäert.

Wann Dir Affer vun engem Abroch sidd, kënnen emol Äre Fernsee a Bijoue geklaut oder Är Miwwele beschiedegt ginn. Dir kritt da vun der Versécherung de Montant op Basis vun der an de Conditions Particulières vun Ärem Kontrakt festgehalener Versécherungszomm rembourséiert.

6. Dir hutt e (Ëm-)Bauprojet en vue ? Verséchert Iech vun Ufank un

Egal ob Renovatioun, Ëmbau oder Neibau – den Erfolleg vun sou engem Projet hänkt haaptsächlech vun enger gudder Virbereedung of. D'Bauversécherunge vun APROBAT LALUX Assurances sécheren Äre Chantier beschtens of an dat wärend der Dauer vun den Aarbechten an nach 10 Joer no hirem Ofschloss. Zousätzlech gi reegelméisseg Kontrolle vun APROBAT Spezialisten duerchgefouert, fir déi fachgerecht Bauausféierung z'iwwerpréiwen an d'Qualitéit vun den Aarbechten ze garantéieren.

Opgepasst, Dir musst dës Versécherung virum Ufank vun de Bauaarbechten ofschléissen!

7. Schützt Är Investitioun mat der Reschtscholdversécherung

Wann Dir um Punkt sidd fir en Immobiliëkredit ofzeschléissen, dann hutt Dir bestëmmt och scho vun der Reschtscholdversécherung héieren! Dës gëtt ganz oft vun de Banke gefrot a si erméiglecht et Är Famill viru finanzielle Risiken ze schützen.

Tatsächlech ass d'Zil vun dëser Versécherung d'Kapital am Fall vum Doud ze rembourséieren. Am Allgemengen entsprécht dëst Kapital dem Montant vum Prêt a verréngert sech wärend der Dauer vum Kontrakt. Se kann och duerch eng Zousazgarantie komplettéiert ginn, déi dat verséchert Kapital am Fall vun Invaliditéit rembourséiert.

Vergiesst net, dass d'Reschtscholdversécherung steierlech ofsetzbar ass!

8. Wielt eng vertrauenswierdeg Versécherungsgesellschaft

Fir säin Doheem ze versécheren, ass et essentiel eng Versécherungsgesellschaft ze fannen, déi komplett an op Är Besoinen ugepasste Produiten ubitt. Vertraut enger renomméierter a vun hire Clienten unerkannter Gesellschaft: eng Rei onofhängeg Studien, wéi déi vun ILRES zum Beispill, ginn objektiv Indikatiounen iwwer d'Bewäertung vun enger Gesellschaft duerch hir Clienten. Laut enger interner Studie iwwer d'Zefriddenheet sinn 98% vun de Clienten zefridde mat der Gestioun vun hire Schied.

9. Ären Agent ass ëmmer fir Iech do

Schlussendlech bleift nach ze soen, dass Dir Iech vun engem Agent begleede loosse sollt. Hien ass den Expert a sengem Domän a kennt all d'Versécherungsproduiten. Zesumme mat Iech fënnt hien déi Léisung, déi Äre Bedierfnesser entsprécht. Och am Schuedensfall ass hie fir Iech do an hëlleft Iech bei allen noutwendegen Demarchen.