RTL - Frankfurter Buchmesse eng riseg Virwëtztut: 4.350 Stänn hunn dëst Joer op dausende Visiteure gewaart

Renconteren an Iwwerraschungen - D'Frankfurter Buchmesse ass fir jiddereen anescht.

Aus deene sëllegen Evenementer, déi iwwer déi fënnef Deeg ugebuede ginn, muss all Visiteur säi perséinleche Choix treffen, a sech bewosst sinn, dass e (bal) alles vun der enormer Programm-Offer verpasse wäert. D'Leit komme mat ganz ënnerschiddlechen Erwaardungen op Frankfurt.

Eleng eng 11.8500 Visiteure waren aus beruffleche Grënn op der Plaz, sief et fir hir Bicher virzestellen oder iwwer Rechter ze verhandelen. 4.350 Stänn hunn op Leit aus der Buchbranche a privat Visiteure gewaart. De grousse Public hat dëst Joer dräi Deeg laang Zäit fir duerch d’Halen ze trëppelen, fir sech d'Buch-Neiheeten unzekucken, déi aus 125 Länner de Wee op Frankfurt fonnt haten.

Frankfurter Buchmesse, méi wéi nëmme just Zuelen

Fir vill Leit ass et eng Geleeënheet, hire Liblingsauteur perséinlech ze begéinen a sech e Buch signéieren ze loossen. D'Waardeschlaange sinn dacks laang, mä dovu léisst sech en echte Fan net ofschrecken. Dass prominent Auteure wéi de Sebastian Fitzek vill Leit unzéien, dierft kee verwonneren, mä all Genre huet seng eege Staren. D'Hal 1.2 war zum Beispill op der FBM 2025 fir d'zweete Kéier fir d'Fans vu Fantasy a Romantasy reservéiert, e Genre dat virun allem jonk Lieser begeeschtert.

Scho Freides Moies direkt no der Ouverture war op dësem Stand an der Hal 1.2 vill Undrang. Wourop hunn d'Leit hei gewaart? / © Bea Kneip/RTL

Nogefrot: Firwat stitt Dir an der Schlaang?

E puer kleng Enttäuschunge gouf et trotzdeem, zum Beispill hätt ee sech e Besuch vum Kulturminister um Lëtzebuerger Stand gewënscht.

Dee klenge Gallier ass net ze iwwersinn! Den 23sten Oktober kënnt deen neien Album "Astérix en Lusitanie" eraus / © Bea Kneip/RTL

Extra fir d'Buchmesse vu Mainz ugereest: Mainzelmännchen Fritzchen / © Bea Kneip/RTL

Hei kënne Kanner sech wéi richteg Astronaute fillen! / © Bea Kneip/RTL

Net nëmmen den Asterix war e beléiftend Motiv fir Selfien / © Bea Kneip/RTL

Am Virfeld vun der Buchmesse ass den däitsche Buchpräis un d'Dorothee Elmiger fir hire Roman "Die Holländerinnen" iwwerreecht ginn / © Bea Kneip/RTL

De Friedenspreis des Deutschen Buchhandels geet dëst Joer un de Karl Schlögel / © Bea Kneip/RTL

Och fir déi bescht Kalenneren gëtt et e Präis / © Bea Kneip/RTL

Apropos Kalenneren: Do ass fir jiddereen eppes dobäi! / © Bea Kneip/RTL

An natierlech och Adventskalenneren / © Bea Kneip/RTL

D'Geschicht vun de Schong: et gi wierklech Bicher zu all Thema! / © Bea Kneip/RTL

Notizbicher am schottesche Look / © Bea Kneip/RTL

A Bicher fir Lëtzebuergesch ze léieren! / © Bea Kneip/RTL

Networking Event um Lëtzebuerger Stand / © Bea Kneip/RTL

Begréissung um philippinnesche Stand an der Hal 5.1 / © Bea Kneip/RTL

15.Oktober 2025, Erëffnung vum philippinnesche Stand / © Bea Kneip/RTL

Méi wéi 130 Sprooche ginn op de Philippinne geschwat. Doriwwer ënnerhalen sech philippinnesch Auteurinnen am Pavillon vum Gaaschtland / © Bea Kneip/RTL

Iwwert d'Thema Sproochen konnt ech mech no der Konferenz mat der Autorin Cecilia Manguerra Brainard weider ënnerhalen

D'Lëtzebuergerin Julia Holbe huet zu Frankfurt hiren neie Roman "Man müsste versuchen, glücklich zu sein" virgestallt / © Bea Kneip/RTL

Gaaschtland Philippinnen: Dem Allan N.Derain säi Roman "Das Meer der Aswang" krut zu Frankfurt vill Opmierksamkeet / © Bea Kneip/RTL

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Weider Artikelen am Zesummenhang mat der Frankfurter Buchmesse 2025:

Erëffnung vun der Frankfurter Buchmesse 2025

Gaaschtland Philippinnen: Interview mam Schrëftsteller José Dalisay