Kanner-Chorale vu Steesel presentéiert Kannerbuch op de Walfer Bicherdeeg
Op de Walfer Bicherdeeg leschte Weekend, wou all Joer nei Bicher, lokal Projeten a kreativ Iddien am Mëttelpunkt stinn, huet eng Grupp vu jonke Stëmmen dëst Joer besonnesch erausgestach.
Rieds geet vun der Kanner-Chorale vu Steesel vun der UGDA. Si hunn net just viru Publikum gesongen, si hu fir d'éischte Kéier hiert eegent Kannerbuch mat CD verëffentlecht. Doranner fënnt ee Kleesercherslidder a Chrëschtlidder, all illustréiert a mat QR-Coden, wou een d’Lidder och als Playback fënnt, fir matzesangen an eng Kéier mat dem Kannerchouer. Hannen am Buch ass dann och nach d’CD, déi een dann och normal lauschtere kann. Mir ware mat der Kamera mat dobäi, wéi déi ronn 35 Sänger a Sängerinne sech waarm gesongen hunn an hunn natierlech och hiren Optrëtt net verpasst.
