An den éischten Challengë kënnen d’Ekippe sech net op hir Sënner verloossen. Si mussen eng Struktur mat Bausteng nobauen. Kréien awer all ee Sënn geklaut. Just ee gesäit d’Struktur a muss se enger zweeter Persoun erklären. Déi Persoun gesäit näischt, muss also gutt verhalen, wat se erzielt kritt an enger drëtter Persoun erklären, wat ze bauen ass. An des drëtt Persoun däerf net schwätzen.
Am zweeten Challenge brauch een eng gutt Koordinatioun, logescht Denken a Vitess. Mee opgepasst: Den Challenge kéint de Kandidaten op de Mo schloen. Si mussen aus Wierfelen e grousst XXL-Puzzle zesummesetzen. Den Twist bei der Saach: d’Kandidaten hunn e spezielle Brëll un. A mat deem gesi si net aus hirer eegener Perspektiv, mee sech selwer an hir Teamkolleege vu baussen.
Wann eng Ekipp en Challenge gewënnt, sinn all d’Kandidaten am nächsten Episod. Vun der Verléier-Ekipp mussen zwee Kandidaten an de finalen Duell. An hei kënnt da just ee weider.
