De Grand-Duc a seng Fra haten en Donneschdeg en e bësse méi extrae Rendez-vous um Programm.

Op Schlass Bierg hu si a Presenz vum  Premierminister Luc Frieden, deen hei och d'Roll als Zeien hat, déi nei Rous vun der Asbl "Patrimoine Roses Luxembourg" gedeeft. Si krut den Numm "Résilience".

D'Rous, déi am Kader vum 80. Joresdag vum Enn vum Zweete Weltkrich kreéiert gouf, ass en Hommage un all déi, déi fir eis Fräiheet an de Fridde gekämpft hunn.