RTL - Style-Check an der Stad: Wat mécht déi richteg Kleedung aus?

Grad bei waarmem Wieder weess een dacks net wierklech, wat ee soll undoen. Mir hunn an der Stad nogefrot, wéi wichteg déi richteg Kleedung ass.

Marjolein aus Holland Firwat ass et wichteg, sech gutt unzedoen? - Well ee sech da gutt fillt. Wat mécht déi richteg Kleedung fir de Summer aus? - Kleedung, déi ee selbstbewosst mécht. Et soll een och méi dacks op Second-Hand-Kleeder zréckgräifen, well et gi scho genuch Kleeder op der Welt. / © Alexandre Benavente

Geschäftsmann aus der Stad Firwat ass et wichteg, sech gutt unzedoen? - Kleeder maachen engem iwwerall Dieren op. Ech hu scho Leit gesinn, déi geheescht hunn a gutt ugedoe waren an doduerch vill méi Sue kritt hunn. Et brauch net jiddereen e Kostüm unzehunn, mä et soll een dorop oppassen, wat een undeet. Wat mécht déi richteg Kleedung fir de Summer aus? - Am Summer dinn ech gäre Shorts a Vesten un, am beschten aus Léngent. A gären hell an faarweg. / © Alexandre Benavente

Radi Firwat ass et wichteg, sech gutt unzedoen? - Wann een duerch d'Stad trëppelt a sech an de Fënstere kuckt, gëtt et engem e gutt Gefill. Wat mécht déi richteg Kleedung fir de Summer aus? - Komfortabel Kleeder aus natierleche Stoffer a faarweg. / © Alexandre Benavente

Conny Gyenis, Lëtzebuergerin, déi am Texas lieft Firwat ass et wichteg, sech gutt unzedoen? - Et gëtt engem e gutt Gefill. Ech ginn do net mat der Moud. An d'Kleeder sollten och praktesch sinn. Wat mécht déi richteg Kleedung fir de Summer aus? - Kuerz Kleedeung. Hei an der Stad gesinn ech vill Leit mat laanger Kleedung, och bei deene waarmen Temperaturen. Am Texas, wou et bal all Dag 40 Grad sinn, geet dat net. / © Alexandre Benavente

Laura Ropski aus den USA Firwat ass et wichteg, sech gutt unzedoen? - Fir d'Selbstbewosst sinn a fir sech gutt ze fillen. Wat mécht déi richteg Kleedung fir de Summer aus? - Otmungsaktiv Kleedung an natierlech Stoffer. / © Alexandre Benavente

Ernesto aus Spuenien Firwat ass et wichteg, sech gutt unzedoen? - Eigentlech wier ech bei deem Wieder méi liicht ugedoen, ma well ech op engem Business-Trip sinn, wierken ech méi seriö mat Hiem a laanger Box. Wat mécht déi richteg Kleedung fir de Summer aus? - Fir de Summer brauch ee Shorts, T-shirts a liicht Kleedung. / © Alexandre Benavente

Bennur Sudhir Firwat ass et wichteg, sech gutt unzedoen? - Fir d'Selbstbewosstsinn an et ass ëmmer flott, gutt ugedoen ze sinn. Wat mécht déi richteg Kleedung fir de Summer aus? - Shorts, liicht Kleeder aus Léngent an hell Faarwen. / © Alexandre Benavente

Elaine an John Bradshore aus Salford bei Manchester Firwat ass et wichteg, sech gutt unzedoen? - Kleeder maache Leit, ganz einfach. Wat mécht déi richteg Kleedung fir de Summer aus? - Definitiv kuerz Boxen. A Kleeder, déi faarweg sinn an duerch déi d'Loft duerch kënnt. / © Alexandre Benavente

Emaille a Luca Firwat ass et wichteg, sech gutt unzedoen? - Et soll ee sech mat senge Kleeder wuel fillen, fir dass ee sech a sengem Kierper a sengem Kapp gutt spiert. Wat mécht déi richteg Kleedung fir de Summer aus? - Definitiv T-shirts a Flip-Flops. / © Alexandre Benavente

Ferdinand Konrad aus der Stad Firwat ass et wichteg, sech gutt unzedoen? - Ech si vu klengem u gewinnt ginn, dorop opzepassen, wat ech un doen. Mat menger Famill ware mir vill ënnert Leit an do war dat normal. Wat mécht déi richteg Kleedung fir de Summer aus? - Et soll ee liicht ugedoe sinn. Virun allem bei deene waarmen Temperaturen. An eng kuerz Box. / © Alexandre Benavente

Paul aus Lëtzebuerg Firwat ass et wichteg, sech gutt unzedoen? - Kleeder sinn eng Form, fir sech op den éischten Androck ze presentéieren an ze weisen, dass ee gefleegt ass. Iwwer Kleedung kann een och op seng Interessien opmierksam maachen. Ech interesséiere mech z.B. vill fir Schong. Wa lo een anere kënnt, dee sech och fir Schong interesséiert, deen erkennt dat direkt a gesäit, "ah hien ass wéi ech". Donieft soll ee sech wuel fillen a senge Kleeder a sech authentesch undoen. Wat mécht déi richteg Kleedung fir de Summer aus? - Sonnebrëll a Kap sinn definitiv essentials. A Shorts, mä et kann och eng laang Box sinn. / © Alexandre Benavente

Styles in the city (18.6.25)

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.