Zanter dem Sonndeg kann een déi franséisch Haaptstad op eng méi ongewéinlech Manéier aus der Vugel-Perspektiv bewonneren. En Zeppelin mécht et Méiglech.

De Sonndeg war, wéi gesot, den 1. Fluch vum 75 Meter laangem Zeppelin, iwwert Paräis an der Ëmgéigend. D'Passagéier ware begeeschtert, bis zu 70 km/h kann ee mat der Maschinn erreechen, ouni datt et ongemittlech gëtt. D'Vu wier beandrockend a vu Kaméidi keng Spuer.

4 Route ginn am Sightseeing-Programm vun der Firma „Airship“ proposéiert:

    • Iwwer d'Landschaft vu Vexin am Nordweste vu Frankräich

    • Iwwer d'Schlass vu Chantilly

    • Iwwer d'Seine ronderëm Paräis

    • Iwwer Versailles

Allerdéngs léisst de Präiss nach ze wënschen iwwreg. Tëscht 250 a 650 Euro pro Persoun soll de Spaass kaschten, deemno näischt fir den Duerchschnëttsbierger an scho guer näischt fir e Familljenausfluch.