Collioure: Vermeille et merveille
Ech presentéieren: "le joyau de la Côte vermeille". Dobäi wëll ech dat eigentlech guer net, well et si scho genuch Touristen do ;-)
An ech ginn zou: Wéi ech fir d'éischt zu Collioure ukomm sinn, war ech geschockt a genervt. No sou vill Stonnen am Auto op der Autobunn landen ech, e puer honnert Meter virum Zil, an engem Verkéierschaos. Lauter Autoen! Lauter Touristen! Guer net esou einfach, an den Zentrum ze kommen/fueren ...
An der Saison ass Collioure effektiv hoffnungslos iwwerlaf, ma Enn August, Ufank September geet et da scho besser.
An als Tourist muss ee sech ze hëllefe wëssen: Wien am Duerf selwer schléift, kann et genéissen, éier d'Dagestouriste kommen oder wann déi scho rëm fort sinn.
Firwat esou vill zu Collioure lass ass, muss jidderee fir sech beäntweren - d'Stränn sinn u sech net terribel, ma de Site ass super an do, wou vill Touriste sinn, ass d'Offer och deementspriechend grouss an deels ganz interessant.
Derbäi kënnt, datt Collioure schonn e sëllechen Artiste gutt gefall huet an ideal läit, fir Ausflich an de Pyrénées-Orientales ze ënnerhuelen oder fir an dat not Spuenien ze fueren oder einfach fir virun der Côte e bëssen ze tauchen ...
E Must: erop op de Canigou! (Dozou méi spéi méi.)
An et gëtt esouguer en Nuetszuch, deen zu Collioure hält a bis op Lëtzebuerg fiert!
Serie "En France, s'il vous plaît!" an 10 Deeler:
Bekanntes a manner Bekanntes aus dem "Midi de la France" ...
1. Oradour-sur-Glane
2. Gouffre de Padirac
3. Rocamadour
4. Saint-Jean-de-Luz ...
5. Larressingle a Condom
6. Collioure
7. Les Orgues d'Ille-sur-Têt
8. Canigou
9. Ventoux
10. Roussillon
