Eng intelligent Industrie: dat ass d’Thema vu mat där gréisster Foire op der Welt, der Hannover Messe.

Et ass dee gréisste Site fir Foiren op der Welt: d'Hannover Messe, wou sech bis e Freiden nach déi weltwäit Industrie-Acteure mat der Fro vun der drëtter industrieller Revolutioun beschäftegen. 5G a kënschtlech Intelligenz wäerten d'Produktiounsofschnëtter veränneren. Dorun huet mëttlerweil kee méi Zweiwelen. Allerdéngs gëtt et nach eng Eenegkeet doriwwer, wéi de Secteur am beschte mat dëse Changementer ëmgoe soll. De Pierre Jans ass där Fro op der Industrie-Foire zu Hannover nogaangen.

VIDEO: 15. Anniversaire vu B2Fairs
D'Sabrina Sagramola vun der Chambre de Commerce am Interview.

Eng Dame aus Schweden wierkt wéi den Herkules, wa se de Visiteure weist, wéi d'Maschinn fonctionnéiert. Vun uewen hänkt eppes wéi en Aarm erof, um Enn eng Pompel. D'Schwedin beweegt den Apparat bei e Pak, dréckt op e Knäppchen an hieft de Pak ouni iergendeen Effort op. Duerno setzt d'Fra d'Wuer op e Lafband, an duerch déi nei Generatioun vu Mobilfunknetz, de 5G, kënnt de Pak genee do un, wou e soll. De Mënsch spillt an dësem Zeenario just nach eng Nieweroll. En ass awer net iwwerflësseg, erkläert d'Technologie-Beroderin vum däitsche Fraunhofer-Institut Karin Loidl:

''Neben jeder AI, neben jedem Roboter sind wir einfach viel kreativer, wir haben eigene Initiativen, wir können uns viel flexibler auf Situationsveränderungen anpassen. Mit 5G hat man die Möglichkeit einen nächste Schritt zu gehen. Jeder technologische Wandel bringt Veränderunge mit sich. Früher hatte man keine Smartphones. Heute würde man ohne nicht mehr vor die Tür gehen.''

Jo, et wäert changéieren. Jo, de Mënsch muss sech iergendwann aner Tâche sichen. Aarbechter um Lafband wäert et iergendwann net méi ginn. Där Meenung ass och den Torsten Woyke, Direkter vun enger Firma déi intelligent Roboter produzéiert. D'Kritik, seng Roboter géifen de Mënschen hir Plaz klauen, ass senger Meenung no falsch:

''Vielleicht hatte ich vor fünf, sechs Jahren noch das Problem, dass ich in die Firmen kam und es hieß: ja, ihr klaut ja die Arbeitsplätze. Heute komme ich in ganz viele Firmen wo die sagen: Herr Woyke, wir haben den Arbeitsplatz gar nicht mehr, den möchte keiner. Keine möchte mehr nur eine Tür aufmachen, ein Teilchen einlegen und die Tür wieder zumachen. Da versuchen wir dann eben die Lücke zu schließen.''

Apropos Zoumaachen, respektiv Fuitten evitéieren. D'Protektioun vun den Donnéeë spillt op der Hannover-Messe, an Zäiten, wou d'Date fir d'Entreprisë Gold wäert sinn, eng grouss Roll. Mat um Lëtzebuerger Pavillon war en Exposant vu Mënsbech, dee sech op d'Verschlësselung vun Donnéeë spezialiséiert huet. Den Heiko Brandenburg erkläert:

"Im Wesentlichen sieht das Ganze so aus: déi Daten kommen an einer Stelle in einer Box rein und auf der anderen Seite wieder raus und man hat bunten Datensalat. Der Rückweg ist im Prinzip genau das gleiche. Wenn man denn den richtigen Schlüssel hat. Wer den Schlüssel nicht hat, kann mit den ganzen Daten nichts anfangen."

Wat fir de Client natierlech gutt ass. A just vis-à-vis e Pavillon, deen de ganzen Dag besonnesch vill Opmierksamkeet hat: Den däitsche Recherche-Zenter fir kënschtlech Intelligenz. Ganz futuristesch Roboter a Gestalt vun enger Ameis oder engem Af, awer och méi klassescher mat véier Rieder, déi awer dofir enorm villsäiteg agesat kënne ginn. Den Ingenieur Florian Cordes:

"Wir waren auf verschiedensten Feldmissionen schon und die Systeme in mehrwöchigen Experimenten Tag und Nacht auf Nieren getestet um sie weiter vorzubereiten auf reale Weltraummissionen. Dafür braucht man eben Analogmissionen, Tests in Umgebungen, die möglichst ähnlich den zukünftigen Einsatzumgebungen sind."

D'Efforte vun der Lëtzebuerger Regierung am Beräich vum Space-Mining sinn dem Florian Cordes bekannt. Seng Roboter wären aktuell awer am Déngscht vun der Wëssenschaft, net vun der Wirtschaft. Natierlech gëtt och Business gemaach op der Hannover Messe, an zwar op Lëtzebuerger Initiativ. Um Pavillon B2fairs solle Kleng-a Mëttelbetriber Kontakter knäppe kënnen. D'Initiatrice Sabrina Sagramola erkläert:

"Wann eng kleng Entreprise, déi hei iwwert den Dag zéng Kontakter huet mat Entreprisen aus allen méigleche Länner, dat op hir eege Fauscht misst maachen, wären de Käschtepunkt an den Zäitopwand enorm."

Eng Foire wär eng ideal Plaz fir dat ze vereinfachen, esou d'Sabrina Sagramola. Dës Bourse feiert dëst Joer iwwregens schonn hire 15. Anniversaire

Hannover Messe
Eng intelligent Industrie: dat ass d’Thema vu mat där gréisster Foire op der Welt, der Hannover Messe.

D'Foire steet ganz am Zeeche vun der intelligenter Industrie

VIDEO: Hannover Messe steet am Zeeche vun intelligenter Industrie
Eng intelligent Industrie: dat ass d’Thema vu mat där gréisster Foire op der Welt, der Hannover Messe.

Eng intelligent Industrie: dat ass d’Thema vu mat där gréisster Foire op der Welt, der Hannover Messe.

Weltwäit Acteuren aus der Industrie presentéieren do hir innovativ Produiten, anerer probéieren, nei Méiglechkeeten ze fannen, fir mam Tempo vun der Digitaliséierung matzehalen. Och Lëtzebuerg huet e grousse Pavillon op der Foire zu Hannover, dat ënnert der Leedung vun der Chambre de Commerce. Ma et ass net fir d’éischt, dass Lëtzebuerg op der Hannover Messe ass. Den Direkter fir international Relatioune vun der Chambre de Commerce Jeannot Erpelding huet um Mikro vum Pierre Jans betount, dass dëst schonns eng ganz laang Traditioun ass. Schonns zanter Joerzéngte wier Lëtzebuerg schonns do präsent, dat mat engem "Pavillon national", awer mat verschiddenen Entreprisen, déi hiren eegene Pavillon do hunn.

AUDIO: De Jeannot Erpelding um Mikro vum Pierre Jans (1)

Och de Lëtzebuerger Industrie-Secteur misst sech also gutt op d'Zukunft preparéieren. Eng Zukunft, an där ëmmer méi kënschtlech Intelligenz an der Produktioun zum Asaz kommen wäert, fir Aarbechtsschrëtter méi einfach an effizient ze maachen. An d’Konkurrenz aus dem Ausland wär grouss, d’USA a China si weltwäit déi Éischt, wat innovativ Industrie ugeet. D’Präsenz vun der Chambre de Commerce zu Hannover wär wichteg, betount de Jeannot Erpelding. Et wier wichteg aus verschiddene Grënn, dat fir sech als Lëtzebuerg ze positionéieren. Fir ze weisen, dass Lëtzebuerg net nëmmen eng laang industriell Traditioun huet, mä och, fir ze weisen, dass een déi och weiderentwéckelt. Op där aner Säit wier et och fir Entreprisë wichteg, wat aktuell d'Trends an Positioune vun de Konkurrente sinn a wéi d'Entwécklung vum Marché wier.

AUDIO: De Jeannot Erpelding um Mikro vum Pierre Jans (2)

Allerdéngs wär Lëtzebuerg bei anere Länner um Radar, als Natioun, wou de Courage do wär, fir nei Weeër ze goen.