Den Ausbau vun der Veranda, déi an enger Gréngzone leie kéint, hat zu engem laange juristesche Sträit gefouert.

Et war zum Sträit tëscht dem Restaurateur an dem Ëmweltministère komm, well e Wantergaart, deen un de Café Waldhaff ugebaut gouf, eventuell an enger Gréngzon kéint leien. D'Veranda war iwwregens ouni Autorisatioun gebaut ginn, fir eng Terrasse gouf et eng Geneemegung vun der Gemeng.

© Domingos Oliveira

Wéinst dësem Ausbau gouf de Restaurateur op d'Geriicht geholl an krut do op den dräi Instanzen Onrecht. Och, wann net bewise konnt ginn, datt den Ubau an enger Gréngzon läit, krut esouwuel de Restaurateur wéi och d'Sàrl eng Geldstrof vun all Kéiers 10.000, dat am Juli 2017. Weder an Appell nach op der Cour de Cassation gouf en anert uerteel geholl, respektiv d'Uerteel kasséiert.

© Domingos Oliveira

Am Januar 2019 gouf du mam Ofrappe vum Wantergaart ugefaangen. De Café Waldhaff huet dann och vun deem Zäitpunkt u seng Diere fir d'Clienten net méi opgemaach.

Den Domingos Oliveira huet sech fir seng Serie "verstoppte Plazen" op Spuresich gemaach.

Iwwer dës Serie

An dëser Serie bréngt RTL Iech Impressioune vu bekannte Plazen, déi et geschwënn net méi gëtt, well si ofgerappt ginn oder soss "verstoppt" sinn. Hei en Iwwerbléck mat all de Fotogalerien.