Och dëst Joer ass de Speedster den Highlight bei Aston Martin.
Fir héich Uspréch
De V12 Speedster huet keen Daach a keng Fënster, dofir ee V12-Biturbo mat 700 PS ënnert dem Capot a passt genee an de momentanen Trend vum extreme Roadster. Den neiste Worf aus dem Q-Rayon vun Aston Martin ass op 88 Exemplaire begrenzt a kann elo och an de Faarwe vum legendäre Rennwon DBR1 bestallt ginn.
E bësse méi erschwénglech, awer villäicht och emol exklusiv gëtt de Vantage F1 Edition. Hei gëtt et souzesoen de Formel-1-Safety Car fir ze kafen, mat 535 PS a Verbesserungen un Aerodynamik a Chassis ass hien ausgeluecht fir Beschtzäiten um Circuit.
A propos F1 - Aston Martin start den 28. Mäerz nees an der Formel 1 a presentéiert dëst Joer als Highlight um Festival eng Replique vum neien Déngschtwon AMR21 vu Sebastian Vettel a Lance Stroll, dëst am Showroom um Houwald.
