D’Produktioun vum Mazda-MX-5-Cousin Abarth 124 gouf agestallt. Esou bleift nach just de 500er als eenzege Vertrieder an der Gamme.

Nei Séries Spéciales

Ugefaange mam 595 Scorpioneoro deen natierlech d’Markenzeeche vun Abarth, de Skorpioun an de Mëttelpunkt setzt. Op 2000 Stéck ass dës Editioun begrenzt a soll un den A112 Abarth “Gold Ring” aus de 70er erënneren. Limitéiert ass och de 595 Monster Energy Yamaha. Hien iwwerhëlt d’Fuerwe vun der YZR-M1, e Motorrad vun der Partnermark Yamaha aus der MotoGP.