An der BMW i-Gamm gëtt endlech erëm eppes Neies.

Enner Stroum gesat

Anescht wéi bei senge Bridder i3 an i8 ass den iX3 eigentlech schonn als Verbrenner bekannt. Fir awer a punkto Autonomie net ze vill hannendrun ze hänke gouf eng 80 kWh-Batterie verbaut. No WLTP sollen esou 460 km méiglech sinn wann een déi 286 PS a 400 Nm net stänneg ausreizt.

Fir de Genoss um Fueren

Séng Haptvocatioun huet BMW awer net vergiess a weist deen neie 4er Cabrio. Den Design vun der Kalander huet scho fir Diskussioune gesuergt, dat neit Verdeckkonzept am Stoffdaachlook an den Top-Reiesechser mat 374 PS kéinten d’Fans awer nees berouegen. Fir Opreegung suerge bestëmmt d’M-Versiounen M3 Limousine an M4 Coupé. Si wäerte wärend dem Festival den Tour vun de Concessionnaire maachen. Och si gi gepräägt vun der neier grousser BMW-Nier an engem extrem muskulösen Optrëtt. Den héichtourege Reiesechszylinder leescht 480 PS an huet liicht Spill mat der aerodynamesch optiméierter Karosserie. Anengems gouf massiv Gewiicht gespuert an all méiglechen Know-How an d’Fuerwierk gestach.